२०६८ सालको शुभदिपावलीको उपलक्ष्षमा देश बिदेशमा रहनु हुने तमाम नेपालीमा हार्दिक शुभकामना ब्यक्त गर्दछौ।
गुरुवार, 27 अक्टूबर 2011
गुरुवार, 6 अक्टूबर 2011
बियजादशमी एवँ दिपावलीको शुभकामना।
२०६८ सालको बिजयादशमी एवँ दिपावलीको उपलक्ष्यमा सम्पूर्ण देशबासी तथा ब्लगप्रेमीहरूमा हार्दिक शुभकामना ब्यक्त गर्न चाहान्छौ। यस वर्पले नेपाल र नेपालीको उत्तरोत्तर प्रगति देशमा शान्ति समयमा नै संबिधान निर्माणको कार्य भइ देश बिकास तर्फ अघि बढोस।नेताहरूको सदबुद्धी आओस । श्री दुर्गा भवानीले हामी सबैको रक्षा गरून। यहि कामना गरौ।
रविवार, 14 अगस्त 2011
कम्युनिस्ट र मानिस।
हेराल्ड जोसेफ लास्कीका अनुसार "२५ वर्षसम्म कम्युनिस्ट नहुने मानिस त्यो मानिस होइन, २५ बर्षपछि माथि पनि कम्युनिस्ट भइरहने मानिस त्यो मानिस होइन।"
रविवार, 12 जून 2011
भरियाहरू को को हुन त
पूर्वप्रधानमन्त्री माधवकुमार नेपालले माओवादीप्रति उदार भए एमाले समाप्त हुने बताएका छन् । एमाले बरिष्ठ नेता नेपालले माओवादीको भरिया नहुन...
1. एमाले सिध्याए यो कुरा साँचो हो। तर कस्ले भन्ने बिषयमा बिवाद हुन सक्दछ। स्पष्ट नीति स्पष्ट दृष्टिकोण नै नभएको कारणले एमाले सिध्एको हो।कहिले काँग्रेसको भरिया त कहिले माओवादीको भरिया। अरूलाई भरिया बनाउने दाउमा रहेको एमाले आफै भरिया बनेर बिश्वमा चकित पारेकोछ।
2. पहिला पहिला पुच्छर भने भन्थ्ये। कहिले पुषेपलाललाई त कहिले मनमोहनलाई।पुच्छर भन्दा भनदै आफू नै कसैको पु्छर भएको महशुश गरेर होला नँया शब्दको थालनी गरेको भरिया भनेर। भरिया पनि त मान्छै नै हो। सबै मान्छेहरू माधव नेपाल जस्तै करिष्ठ त हुदैनन् नि। कि कसो?
3. एमाले भरियाहरूको कम्पनी हो कि। भरियाहरू पनि त मानिस नै होइनन् र? भूमिगतकालमा तिनै भरियाहरू कहाँ पनि कैयो दिनसम्म सेल्टर बनाएर बस्नु भएको कमरेडले बिर्सनु भो कि क्या हो। भरियाहरुको के बुद्धि हुदैन बिबेक हुदैन मन मष्तिस्क हुदैन ज्ञान ध्यान हुदैन कि। पहिले पहिले कम्युनिस्ट पार्टी भनेको हेपाहा मजदुर किसान ज्यामी भरिया समाजका तल्लो वर्ग पिल्सिएका वर्गहरूको हो भनेको सुनेको थिए। कमरेडले यी कुरा बिर्सनु भयो कि कसो ?
मंगलवार, 17 मई 2011
जेष्ठ ०३ २०६८ को उपलक्ष्यमा।
आज २६५५औ बुद्ध जयन्ती। आज कै दिन २०५० सालमा एमालेका तत्कालीन महासचिव मदन कुमार भण्डारी र सङ्गठन प्रमुख जिव राज आश्रितको हत्या भएको दिन।
एकै दिन परेको यस बर्षको ३ जेष्ठ यसकारण पनि महत्वपूर्ण भयको छ।
आजै माओवादी उपाध्यक्ष डा. बाबुराम भट्टराइलाई उनका प्रचण्ड पक्षका कार्यकर्ता बर्तौलाले ज्यान लिने कुराको पनि जानकारी आएको छ।
हिंसा हत्याको बिरोध गर्ने अहिंसावादी बुद्धको सन्देश संसार भर फैलिरहेकोमा आफूलाई अब्बल दर्जाका कम्युनिस्ट भनेर नथाक्ने यीनीहरू सामान्य बिबादमा पनि ज्यान मार्ने सम्मका बिचार मनमा लिएर जिवन बिताइरहेका छन।
मदन कुमार भण्डारी र जिव राज आश्रितको हत्या पनि यस्तै यस्तै भावना बोकर हिडनेहरूबाट नै भएको होला।
बुद्धलाई आदिम साम्यवादी भनेर पनि यदाकदा पाइन्छ। बुद्धत्वको बिरोधमा नै आफूलाई कम्युनिस्ट भन्नेहरूले हत्या हिंसा मचाइरहेका छन्। भौतिक रूपमा मानसिक रूपमा दुवै रूपमा आफ्नो बिचारको बिरोधमा जाने चाहे त्यो मार्क्सवादी नै किन नहोस हत्या हिंसामा जाइ लागेका सयौ उदाहरण छन्। बामदेव सिपी मैनाली पुष्पलाल लगायत कैयौ कम्युनिस्टहरूलाई एकले अर्कोलाई गद्धार दलाल भ्रष्टचारी भन्दै आएको इतिहास साक्षी नै छ।
कुन कम्युनिस्ट कति पानीमा छ त भन्ने कुरा उनीहरूले गर्ने गरेका काम कर्वाहीले नै प्रष्ट हुदैन र। नाता गोता भएसम्म अन्य कसैको पनि काम हुदैन। डिकेन्द्र राजबंशीले एमालेको बल्खु दरवारमा केपी ओली भिम बहादुर रावल माधव कुमार नेपाल लगायतकाले गरेको दुर्ब्यहारका कारण गरेको आत्महत्याले नै उनीहरूको वास्तविक अनुहार देखाउदैन र।
जे होस आजको यस बुद्ध जयन्तीको अवसरमा तमाम बुद्धमार्गी लगायत नेपाल र नेपालीमा शान्तिको कामना गरौ। सबै नेता कार्यकर्ताले मुलुकको भलो चितायर काम गरून।
साथै कम्युनिस्ट चरित्र जे भए पनि आज कै दिन हत्या गरिएका नेता मदन कुमार भण्डारी प्रति पनि हार्दिक श्रद्धाञ्जली दिन चाहान्छौ।
शनिवार, 7 मई 2011
शुभकामना।
२०६८ को शुभबिहानीमा सम्पूर्ण देश बिदेशमा रहनुहुने दाज्यूभाई दिदीबहिनीहरूमा हार्दिक मङ्गलमय शुभकामना ब्यक्त गर्दछौ।
यस नँया बर्षले देशमा शान्ति ल्योओस।हामीहरूमा एकता भातृत्व कायम होस। अझ बढि जोस र जाँगरबाट काम गरौ। यही शुभकामनाका शब्दहरू सबै बाडौ। गुरुवार, 14 अप्रैल 2011
फोटो आफै बोल्दैन र?
राजनीतिमा बालबच्चाहरू प्रयोग नगर्ने भन्ने कुराको यो ठाडो उलङघन होइन र। कि अरूलाई भन्ने कुरा मात्र हो। झलनाथ खनालका बिरोधी केपी ओलीले २०६८ बैशाख १ गते केही मानिसहरू जम्मा गरी काठमाडौमा देखाएको यो बच्चा समेतको प्लेकार्ड हो। बच्चाहरू के यी र यस्तै स्वंय घोषित नेता भनाउदाहरूको हतियार बन्नु जायज छ। मानव ढालका रूपमा प्रयोग भएका यी बच्चाहरूले कहिले मुक्ति पाउने हुन। बुधवार, 13 अप्रैल 2011
नँया वर्षको शुभाम्भको अवसरमा शुभकामना।
भोलिदेखि शुरू हुने नँया वर्ष २०६८ शुभारम्भको अवसरमा देश बिदेशमा रहनु हुने नेपाल र नेपाली सस्कृतिसँग परिचित तमाम दाज्यू भाई दिदिबहिनीहरूमा नँया वर्षले जोश जाँगर उत्पन्न गरून भन्ने कामनाका साथ उत्तरोत्तर प्रगतिको लागि सफल बनोस भनि हार्दिक मङ्गलमय शुभकामना ब्यक्त गर्दछौ। साथै नेपालको कुरा गर्दा २०६८ साल नँया संबिधान घोषणा हुने भएकोले सबै आशावादी हुनु स्वभाविक नै हो। त्यो कुरा पुरा होस। देशमा शान्ति छावोस। बिकाश निर्माणका कामहरू होउन। नँया वर्षले सबैलाई सदबुद्धि प्रदान गरून। दिमागले काम नगरेको भए पनि यी शब्दहरू पढेर सहि दिमाग होस यहि कामनाका साथ नँया वर्ष शुभ होस हामी सबैको लागि।
शुक्रवार, 4 मार्च 2011
कृष्ण प्रसाद भट्टराईप्रति हार्दिक श्रद्धाञ्जली।।
गुरुवार, 9 दिसंबर 2010
अखिलमा कुटाकुट
एमालेमा केपी वलीका गुण्डा र झलनाथका गुण्डा बिच कुटाकुट भएको खबर जताततै आएको छ।
अरूलाई गुण्डा भनेर नथाक्ने यिनीहरू अब आफू नै गुण्डागर्दीमा लागेका रहेछन्। सत्ता र भत्ताले मातेका यिनीहरू जनतालाई सधै मुर्ख बनाएर आएका छन्। सत्ता र भत्ता कै लागि अहिले पनि यो गुण्डागर्दीको आयोजना गरेको हुनुपर्दछ। यस गुण्डागर्दीमा जसले जस्लाई पछारे पनि जनतालाई केहि हुने वाला छैन्।
यसका मुख्य योजनाकारहरू उच्चस्थानमा बसेर आफ्ना आफ्ना पक्षलाई निर्देशन दिईरहेका होलान्। यीनीहरूलाई लडाएर मात्रै आफ्नो अभिष्ट पुरा हुने उनीहरूको ठहर छ जस्तो छ। के हुन्छ हेरौँ न त?
रविवार, 28 नवंबर 2010
फेरी पनि बोक्सी कै कुरा
'बोक्सीको आरोपमा श्रीमानबाट घरबाट निकालिएपछि भवानी-६ ओसरबासकी ६३ वर्षीया रामसरा थापा दैलेख बजारस्थित गोदमघरको खुला चौरमा बस्न बाध्य भएकी हुन्।' यी बाक्यंश कुनै नेपाली पेपरमा लेखिएको समाचार हो। नेपालमा बोक्सी को आरोपमा महिलाहरू पिडित छन् भनिरहनु नपर्ने तथ्य हो। सरकारमा रहेका कम्युनिस्टहरूले किन यस्तो कुरामा केहि भन्न चाहादैनन्।
बोक्सीको आरोपमा चरम यातना
नेपालमा महिलाको हक अधिकार भनेर चिच्याउन थालेको धेरै नै भइ सक्यो। तर पेपरहरूमा हरेक जसो खबर यस्तै बोक्सीको आरोपमा भनेर महिला माथि नै हिंसात्मक यातना गरे गराएको पाइन्छ।
अरू जस्तै यो पनि कतिपय महिलाहरूको कमाइ खाने नारा मात्र भएको छ। यिनीहरू बाँच्नलाई महिला अधिकारका कुरा गरेको पाइन्छ। ६०१ जना मध्ये सुनिन्छ १९७ जना यिनै महिला नै छन् । तर गाँउमा पिडित छन महिलाहरू नै। महिलाहरू पुरुषबाट होइन कि स्वयं महिलाबाट नै पिडित छन्।
कुनै महिलालाई पुरूषले होइन कि महिलाले नै बोक्सी भनेका हुन्छन् ।
के हो बोक्सी भनेको
हेर्दा नराम्रो भताभुङ्ग कपाल राम्रो कपडा पनि नभएको अरूले खाएको लाएको देख्दा रहर गर्ने आदि इत्यादि अवस्थाका मानिसहरूलाई नै बोक्सी भनेका होलान
यस्तै बोक्सीको आरोपमा हालसालै सप्तरीको महदेवा-३ की चकला टोलकी रामप्रसाद मण्डलकी ४५ वर्षीया श्रीमती सियादेवी मण्डललाई बोक्सीको आरोपमा चरम यातना दिएका रहेछन भन्ने कुरा थाहा लागेको छ। पेपरमा आएको छ महिला मुक्तिको कुरा गर्ने सरकारमा रहेका कम्युनिस्टहरूले यस बिषयमा केहि बोलिरहेका छैनन् सायद ति महिला उनीहरूको कुनै पनि भातृसङ्गठनमा नहुन सक्दछन्।
जे होस यस देशमा महिलाहरू बिभिन्न बहानामा अझै पनि यातना भोगिरहेकै छन्।
सोमवार, 18 अक्टूबर 2010
कम्युनिष्टको नजरमा बाल अधिकार !
युथफोर्स कम्यूनिष्टले बनाएको दस्ता हो। नामले त युथ राखेका छन् र कुनै दिन बाल फोर्सको जमात नबनाउलान भन्न सकिदैन्।
बुधवार, 13 अक्टूबर 2010
नेपालमा प्रधानमन्त्रीको चुनाव
नेपाल एउटा सानो गरीवीले अचेटेको मुलुक हो भनेर यिनै नेताले हजारौ पटक भनिसकेका हुन। यस्तो देशमा लगभग ३ दर्जन मन्त्री बनाएर प्रधानमन्त्री बनेका राजा ज्ञानेन्द्रले गरेको कुकृत्यलाई आधा सच्चियो भनि भन्दा पनि प्रधानमन्त्री पाउन असफल तत्कालीन एमालेका महासचिव यस पटक २ / २ ठाँउबाट पराजय भोग्न बाध्य भएर पनि प्रधानमन्त्री पाउन सफल भएका छन्। यिनले लगभग १३ महिना त्यो कुर्सीमा बसे र छोडेको निर्यण सुनाए पनि त्ससमा बस्ने अर्को मान्छेको चुनाव निकै पटक भइसक्यो कोहि पनि बिजय हुन सकेको छैन्।
मिलेर संबिधान बनाएर जानु पर्नेमा सत्ता स्वार्थमा लागेर जनतालाई धोका दिइरहेका छन्। चुनावको यो नाटकबाट जनता दिक्क भएका छन्। यिनीहरूमा बिश्वास गर्नु पर्ने केनै आधार छैन्। यस्तै चालचलनले यिनीहरूले नेपाली जनतालाई केही दिन सक्दछन त?
शुभबिजया दशमी तथा शुभदिपावलीको उपलक्ष्यमा श्री दुर्गाभवानीले यिनको दिमागी समस्याको सही निदान गरिदिउन भन्ने कामनाका साथ देशमा शान्तिका आओस र योग्य इमान्दार प्रधानमन्त्री पाओस भनी कामना गर्दछौ।
शुभबिजया दशमी तथा शुभदिपावलीको शुभकामना।
२०६७ सालको बडादशै, शुभ-दिपावली, नेपाल सम्वत ११३१ तथा छठ पर्वको उपलक्ष्यमा सम्पूर्ण नेपाली तथा यसमा पाल्नु हुने मित्रहरूमा देशमा सुख शान्ती छाओस् भन्ने कामनाका साथ हार्दिक मङ्गलमय शुभकामना ब्यक्त गर्न चाहान्छौ।
गुरुवार, 16 सितंबर 2010
सामान्य ज्ञान
- पशुपति नाथलाई मुख अष्टमीका दिन मुकुट लगाइ दिने चलन छ।
- राजा योगनरेन्द्र मल्लको मृत्यू हुँदा ३१ रानी सती गएका थिए।
- रानी पोखरीको वास्तविक नाम बिष्णुतीर्थ हो।
- नेपालको सबभन्दा ठूलो मानपदवी महेन्द्रमाला हो।
- योगी नरहरी नाथको बाल्यकालको नाम बल बिर सिँह थापा हो।
- नेपालमा सर्वप्रथम महेन्द्र प्रज्ञा पुरस्कार पाउने ब्यक्ति दौलत बिक्रम बिष्ट हुन्।
- बँगाली भाषाको सर्वश्रेष्ठ साहित्यकार रवीन्द्रनाथ टैगोर हुन्।
- ‘३० रूपैयाँको नोट’ नामक पुस्तकको लेखक हृदयचन्द्रसिँह प्रधान हुन्।
- ‘आजफेरी अर्को तन्ना फेरिन्छ’ नामक कथा रमेश विकलले लेखेका हुन्।
- दशजना लेखकहरू मिली लेखिएको एक मात्र उपन्यासको नाम ‘आकाश बिभाजित छ’ भन्ने हो।
जानकारीहरूः
- समुन्द्रको गहिराइ नाप्ने यन्त्रलाई फेदो मिटरु भनिन्छ भने ग्याँसको नाप नाप्ने यन्त्रलाई मैना मिटर भनिन्छ।
- भारतको राजधानी दिल्लीको पुरानो नाम इन्द्रप्रस्थ हो।
- शनिग्रह पृथ्वीभन्दा ६५० गुणा ठूलो छ।
- एसिया र यूरोप जोडने शहर स्तान्बुल हो।
- नेपालमा भेटनरी सर्जन पास गर्ने प्रथम ब्यक्ति मेजर दिल बहादुर खत्री हुन्।
- शँकरदेव क्याम्पसको पुरानो नाम नेशनल कलेज हो।
- काटमाडौँको घण्टाघर १०५ फिट अग्लो छ।
- विश्वमा सबैभन्दा धेरै बालमजदुरहरू भएको देश भारत हो।
- पृथ्वीबाट मँगलग्रहको दूरी ४० करोड माइल छ।
- सौर्य उर्जाबाट चल्ने फ्रिज आविस्कार गर्ने देश फ्रान्स हो।
धर्मका कुराः
- भगवान बिष्णु सुत्ने समुन्द्रलाई क्षीर सागर भनिन्छ।
- गौतमबुद्धको घोडाको नाम कन्ठक हो।
- भगवान पशुपतिनाथका पाँच मुख छन्। ती हुन् –ईशान, अघोर, बामदेव, तत्वपुरूष, सद्योजात।
- पाञ्चायन देवता भन्नाले शिव, बिष्णु, गणेश, सूर्य र देवीलाई बुझिन्छ।
- इन्द्रकी आमाको नाम बसुन्धरा हो।
के तपाईलाई थाहा छ?
- नेपालका ताप्लेजुङ्ग र दार्चुला जिल्लाले चीन र भारतलाई छोएको छ।
- नेपालमा सर्वप्रथम रू ५ को डलर राजा बीरेन्द्रको पालामा २०४० सालमा निक्लेको हो।
- आगो पार्न सकिने काठहरू भक्केम्लो र ऐँसेलुका हुन यसलाई प्रयोग गर्न सकिन्छ।
- मियाँलको बोटको रूखलाई कलमी गरेर नक्कली नासपाती फल्ने र यसलाई पुनः कलमी गरेमा सक्कली नासपातीको बोट भइ फल्ने हुन्छ।
- फागू खेलेर नँया बर्षको स्वागत गर्ने देश बर्मा हो।
- बिश्वमा फिनल्याण्ड देशका मानिसहरू सबैभन्दा पत्रपत्रिका पढन रूचाउँदछन्।
- गौतमबुद्धले लगाउने कपडालाई बिवर भनिन्छ।
रविवार, 1 अगस्त 2010
प्रधानमन्त्रीको चुनाव
दुई दुई पटक असफल भावि नेपालको प्रधानमन्त्री बन्ने सपना बोकेका प्रचण्ड र रामचन्द्र फेरि पनि असफल हुने निश्चित नै छ। आफ्नो असफलतालाई स्वीकारेका एमालेका माधव कुमारले प्रतावित प्रधानमन्त्रीको उमेदवारी फिर्ता लिएर बसेका छन् ।
कसले के चाहान्छ भन्ने कुरा स्पष्ट नै छ सत्ता नै उनीहरूको मुख्य बिषय हो। नेपालको सत्तामा बस्न उनीहरू चाहान्छन् तर दुई दुई पटक दुईवटा सरकार असफल भइ सकेका छन्। यो तेस्रो सरकार बन्ने छाटकाट देखिएको छैन्।
प्रधानमन्त्रीको चुनाव प्रत्यक्ष निर्वाचनबाट गरउने कि? यस बारे सोच्नु जरूरी भएको छैन र? प्रधानमन्त्रीको चुनाव प्रत्यक्ष निर्वाचनबाट गराएर देशलाई गति दिने काममा लागून। यसले नै यिनीहरूको सहि मुल्याङ्कन पनि हुनेछ।
रविवार, 18 जुलाई 2010
कर्मचारीलाई प्याकेज
बरू हरेक कर्मचारीले आफ्ना बालबच्चालाई अनिवार्य रूमा सरकारी स्कूलमा पढाउने ब्यवस्था गरेदेखिन बिद्यालयको गुणस्तर पनि माथी उठ्थ्यो होला नि ? यस तर्फ किन ध्यान जान नसकेको । निजी तथा आवासीय बिद्यालय बनाउदै जाने नै हो भने किन फेरी सरकारी बिद्यालयहरू झन पछि झन बढी बढाउदै लाने? मात्र कार्यकर्ता पाल्नका लागि हो त?
कम्युनिस्टहरूको सरकारले यस बारेमा सोच्नु पर्ने होइन र ?
रविवार, 11 जुलाई 2010
कम्युनिस्टहरूले कम्युनिस्टहरूलाई
एमालेका राष्ट्रिय प्रतिनिधि परिषद् सदस्य छविलाल कार्कीको हत्या एमालेले भने जसरी एमाओवादीबाट भएको हो भने नेपालको कम्युनिस्ट आन्दोलनमा नराम्रो काम भएको भन्नु पर्ने हुन जान्छ । एउटा पार्टीको कार्यकर्ता अर्को पार्टीको कार्यकर्ताले हत्या गरिनुले त्यसमा पनि आफूलाई दुबैले अब्बल दर्जाको कम्युनिस्ट भनिरहेको अवस्थामा । मान्छे मार्नु नै कम्युनिस्ट हुनुको क्रान्तिकारी हुनुको पहिचान त होइन ? होइन भने किन बिचारसँग सहमत हुन नसक्नेहरू सधै पीडित छन। बिचारको स्वतन्त्रता भनेको के होला? जनताको लागि असल काम गर्नु पर्नेमा आपसमा मारकाट गरिनु प्रजातन्त्र लोकतन्त्र गणतन्त्र यी सबै तन्त्रका लागि दुरभाग्य हो।
बिश्वमा मार्क्सवादको प्रादुर्भाव भएपछि एउटै मुलुकमा पनि कैयौ कम्युनिस्ट पार्टीहरू अस्तित्वमा आएका छन् । एउटा मुलुकमा एउटै मात्र कम्युनिस्ट पार्टी हुनुपर्दछ भन्ने सोच नै त्रुटीपूर्ण छ जस्ले गर्दा एकआपसमा खिचातानी मारकाट बिचारको हत्या देखि लिएर भौतिक अस्तित्व नै समाप्त पार्ने जस्ता हिटलरी सिद्धान्तमा उन्मुख भएका कम्युनिस्टहरूले आफूले भन्ने गरेका मान्ने गरेका मार्क्सका सिद्धान्तलाई समयानुकुल अपब्याख्या नगरीकन जनताको पक्षमा बुझ्न नसक्दासम्म हत्या हिन्सा रोकिने सम्भावना कम छ । त्यसैले हत्या हिन्सा रहित सबैको बिचारको सम्मान गर्ने असल कम्युनिस्ट समुहको बिकास हुने गरी मार्क्सवादको ब्याख्या र नँया परिमार्जन हुनु पर्दछ। यसरी परिमार्जित मार्क्सवादले कम्युनिस्ट हु भन्नेहरू परिशिक्षित हुनु आवश्यक छ । होइन भने मार्क्सवादको नाममा कम्युनिस्टको नाममा जनताको नाममा एकआपसमा मारकाट गरेरै आफ्नो जीवन बिताउने छन् । जनताको स्वार्थ जस्ताको तस्तै हुनेछ केवल सुधार आफ्नो निजी भोगबिलास ऐसआराम नवसामान्तको उदय हुनेछ। जसको लक्षण देखिसकेको छ। सामान्तवादको विरोध गर्नेहरू नै नवसामान्तवादी बनेर आगाडी आउदैछन्।
बुधवार, 30 जून 2010
सकारात्मक कदम
प्रतिपक्षको माग अनुसार नै प्रधानमन्त्रीले राजिनामा दिएर सकारात्मक काम गरेकोमा धन्यवाद । राजिनामा दिदा सबैलाई पीडा हुनु स्वभाविकै हो । त्यसमा पनि खाइपाइ आएका दलहरूको समर्थन पनि कायमै रहेको अवस्थामा ।
राजिनामा दिदा अनपेक्षित ठाँउबाट सहयोग भएन भनेर दुखेसो बिसाउनु भएको रहेछ । वहाँले आफ्नै दलका कमरेडहरूलाई प्रहार गर्न खोजेकोमा दुःख छ ।
कम्युनिस्टहरूले आफ्नो बिचार सँग मेल नखानेहरूलाई प्हार बाहेक नै के गर्न सक्दछन् र ? वहाँ पनि आफूलाई कम्युनिस्ट नै भन्ने गरेको पाइएको छ ।
आलोचना गर्ने परम्परा कायम राख्नु पर्ने हो । आलोचनाले आलोचित हुने ब्यक्तिको हृदय नै परिवर्तन गराउनु पर्ने हो तर यहाँ त राजिनामामा गुनासो सुनाइयो । यो त मिलेन ।
सदस्यता लें
संदेश (Atom)