पहिले पहिले जस्तै फेरि पनि गणतान्त्रिक सरकारको सेनाले नेपाली गरीव मजदूर महिला दलित असहाय निहत्या मानिसहरूको ज्यान लिएको छ । सुर्लेत र बर्दीयाको सिमानामा दलित ३ जनाको हत्या गरेर सेनाले आफ्नो वास्तविक अनुहार छर्लङ्ग पारेकोछ । गणतन्त्रको नाममा स्थापित जनताको रगतबाट बनेको सरकारमा रहेकाहरूले यस्लाई पूर्व पञ्चहरूले पहिले पहिले कम्युनिस्टहरूलाई तथा काँग्रेसहरूलाई जङ्गलमा लगेर मार्ने गरेका थिए त्यसरी नै आज नेपाली जनताले मारिनु परेको छ । सरकारले यसलाई ढाकछोप गरेर उल्टो ति नेपाली गरीवहरूलाई दोषी देखनउदैछ । सेनाले यस्ताखालका हत्या खास गरी गरीव महिला माथि गर्नाले उनीहरूले नियन्त्रणमा लिई वलत्कार गरी हत्या गरेको जस्तो प्रकृतिको यस कामले गणतन्त्र पनि नेपाली गरीवहरूका लागि अफापिसध्द भएको छ । धनिहरू जङ्गल जादैनन । जङ्गल जाने भनेको गरीवीले आक्रान्त मानिसहरू नै हुन । गरीवको उन्नती बिकास गर्छु भन्नेले सरकारमा बसेर उनीहरूको हत्या गर्नु हत्या गर्ने सेनालाई सम्रक्षण गर्नुले गरीवीको कहि पनि उपकार गर्ने संस्था छैन न त कुनै दल वा पार्टी नै छ भन्ने कुरा यसबाट स्पट भएन र ?
महिलाको नाममा महिलाद्वारा नै नरसँहार
महिला हक अधिकारको कुरा गरेर नथाक्ने यी कम्युनिस्टहरू आफू मन्त्री भएर तिनै महिलाको हत्या गर्ने जस्तो जधन्य अपराध गरेर त्यो पनि स्वयं महिला मन्त्रीले मानौ उनी महिला नै होइनन् । नेपाल एउटा गरिब देश हो । यहाँ प्रसस्त गरिबहरू बिहान के खाने साँझको झाक के टार्ने भन्ने समस्याले झेलि रहेको छ । यहि गरिवीको कारण उनीहरू जङ्गलमा जाने गर्छन केहि भोक टार्नको लागि । तिनै गरिब माथी यँहाका कम्युनिस्टहरू सेनालाई प्रयोग गरेर नरसँहार गर्ने गर्दछन । गरिब महिला दलित जनजातीको नाममा तिनै गरिब महिला दलितलाई नै ढाल बनाएर यनीहरू कै शोषण गरेका छन । विध्दा एउटी महिला हुन ।तर यनले आफु जस्तै महिलाको हत्या सिकारी महिला भनेर गरेकी छन । आफु कम्युनिस्ट राजनीति गर्दा सायद यस्तै गरिब दलित महिलाको घरमा सेल्टर बनाएर कैयौ रात बिताएकी थिइन होला । आज यनले यी सब बिर्सेकी छन सत्ताको उन्मादले ।
मंगलवार, 16 मार्च 2010
शाहि सेना हाल नेपाली सेनाबाट फेरी अर्को अपराध
रविवार, 14 मार्च 2010
असुरक्षित (जोखिम) यात्रा
शनिवार, 13 मार्च 2010
आउदो जेठ १४ गते सम्बिधान नआए के हुन्छ ?
गणातन्त्र उल्लेख गरि आउदो जेठ १४ २०६७ सालमा सम्बिधान घोषढा गर्ने भनेर भन्न थालेको लगभग २ बर्ष हुनेवाला छ । सम्बिधान दिन नसक्ने प्रवल सम्भावना छ । यसै बिच सम्बिधान आउन नसके के हुन्छ त भनि चर्चा समेत चल्न थालेको छ । आखिर भएको नै के थियो र अब हुन्छ न के । सरकारी तथा गैरसरकारी हत्या आतङक चलिरहेकै छ । यसमा सरकारमा बस्नेहरूले कमि आएको सुधार भएको भनेतापनि वास्तविक रूपमा जनताले सुख शान्ति पाएका छैनन् । हुँदा हुँदा मान्छे मर्ने अथवा मार्ने जस्ता घटनाहरू मन्त्रीहरूको नजरमा सामान्य हुन पुगेका छन । को मान्छे मर्र्यो भने असामान्य घटना हुन्छ त शान्ति सुरक्षा कायम गर्ने प्रहरी नै हत्यामा सामेल भएका रिपोर्टहरू आउदा समेत गृह्यमन्त्रीले सामान्य रूपमा लिन्छन ।
अहिले आएर नेताहरू सम्बिधान बनाउने नबनाउने के गर्ने भन्ने टुङ्गोमा पुग्न सकेका छैनन् तर पनि बनाउने भन्न चाहि छोडेका छैनन् । नेपाली जनता छिटो भन्दा छिटो सम्बिधान चाहान्छन् ।
यो सङक्रमणको अवधि छोट्याउनु जरूरी छ । सङक्रमणकालमा अनेक तत्वहरू चलखेल गरिरहेका छन । जति जति यस्तो अवधि बढछ त्यति नै अपराधिक गतिविधी पनि बढछ । यस कारण पनि यो अवधि घटाउन आवश्यक छ ।
रविवार, 7 मार्च 2010
अन्तराष्ट्रिय नारी दिवस
०८ मार्चलाई विश्वले अन्तराष्ट्रिय नारी दिवसको रूपमा मान्दै आएको १०० बर्ष पुगेको छ । नारीहरू पनि पुरूष समान हुन समान कामको समान ज्याला मतदानमा अधिकार आदि समानताका मान्यताहरू बोकेका नारी आन्दोलनले उठाउदै आएका बिषयहरू हुन ।
हाम्रो मुलुकमा नारीले नारीलाई नै अन्याय गरेका प्रसस्त उदाहरणहरू छन् । कतिपय नारीपक्षधर नेतृहरू नारी माथी पुरूषले अन्याय गरेको छ भन्ने भ्रममा परेको पाइन्छ । हो नारी माथी पुरूषले अन्याय गरेको छ । विवेक गुमाएको छ । यो काममा एउटी नारी माथी पुरूषलाई अन्याय गर्न सहयोग गर्ने भुमिका अर्की नारीले नै गरेकी हुन्छे । उसले म जस्तै नारी हो उसलाई परेको दुःख मलाई जस्तै नै हो भन्ने सोच नभई सहयोगी बन्छे । एउटि नारी माथी सौता बनेर आउने । महिलालाई यौनब्यवसायमा लगाउने काम कतिपय ठाँउमा नारीहरूले नै गरेको पाइन्छ ।
नारी दिवसको यस अवसरमा नारी तथा पुरूष यस्ता कुकर्म गर्नेहरूलाई सहि बाटोमा ल्याउने उनीहरूलाई सजाय गर्ने काममा सफलता मिलोस हामी सफल होऊ यहि नै शुभकामना ।
गुरुवार, 4 मार्च 2010
जमिम हत्यामा प्रहरीको सङ्गलग्नता ?
शनिवार, 27 फ़रवरी 2010
होली पर्वको शुभकामना
यस पर्वलाई मित्रताको पर्वको रूपमा मनाऊ सभ्यता र सुसस्कृतिको परिचय दिऊ यहि नै शुभकामना सम्पूर्ण होलीप्रेमीहरूमा ।शुक्रवार, 26 फ़रवरी 2010
सङ्घियताको सवालः भाषा वा भूभाग दुवै होइन
२०६२।६३ को आन्दोलन पछि संघियताको चर्चा चलिरहेको छ । यो देशलाई १४ अञ्चल ७५ जिल्ला ४००० गाबिस र त्यतिकै वडाहरूमा चिनिएको नेपाल अब संघहरूमा बाडिन्छन् । एक देशलाई प्रशासनिक कामकाजलाई सरलिकरण गर्न शान्तिसुरक्षा कायम गर्न आदि आदि कारणबाट ससाना ईकाईमा देशको भूभागलाई छुट्टयाइन्छ होला ।
यसरी अलग अलग गर्नुको अर्थ देशको बिकास नै हो । बिकास देशको प्रत्येक भागमा बराबर पुगोस भनेर नै एउटा देशलाई ससाना अचल जिल्ला गाँऊ प्रान्त क्षेत्र आदिमा प्रशासनिक बिभाजन गरिन्छ । यो बिभाजनको आधार के हुन सक्दछ त ।
मुलुकमा अहिले कतै जातियताको नाममा प्रान्तहरू बनाइदैछ त कतै एक मधेशको कुरा गरिदैछ । मधेश पहाड तराई र जातियताको आधारमा यो मुलुकको प्रशासनिक बिभाजन उपयुक्त छैन ।
केहि दिन यता ब्रहामणहरू जागेका छन् । जातको नाममा राज्यको नामाकरण गरि एककिसिमले बिभाजन गरेको जस्तो देखिएको र जातिगत आधारमा देशलाई संधियतामा लैजानु कतिसम्म उचित अनुचित हो त्यसबारे निकै चर्चा छ । के हो त यो जात भनेको
सामान्यतया एउटा निश्चित भाषा बोल्ने मानव समुदायलाई जात भन्न सकिन्छ । यसलाई कुनै भूभागसँग जोडेर हेर्न सकिन्छ त सकिन्न होला । पहिले पहिले सायद कुनै भूभागमा कुनै जात बिशेषको बसोबास थियो होला तर आजको दुनियामा कुनै भूभागमा खास जात बिशेषको क्षेत्र भन्न उपयुक्त हुदैन । जातको हिसाव किताव भूभागसँग होईन भाषासँग जोडेर हेर्दा राम्रो हुन्छ होला ।
पक्कै पनि यस मुलुकलाई प्रशासनिक बिभाजन गरि बिकासको लहर गाँउ गाँउसम्म पुर्र्याउनुपर्दछ । योजना र अवसर राजधानी र ठुला शहर बजारमा केन्द्रित गरिनुहुदैन । यो प्रशासनिक बिभाजनको आधार के हुन सक्दछ त भाषा वा भूभागको आधार बिभाजन गरेर अन्य भाषा वा भूभागमाथि अन्याय गर्नुहुदैन ।
सवै जाति सवै भाषा तथा भूभागको बिकास निर्माण हुने गरि बैज्ञानिक बिभाजन गरिनु पर्दछ । जँहा सवै भेषभूषाका मानिसहरूले समान अवसरको सदुपयोग गर्न सकुन ।
४ वर्ण ३६ जातको साझा फूलवारी भनेर भनिन्थ्यो । अहिले यो जातको सङ्ख्या १०० भन्दा बढि हुन गएको छ । एउटै जातमा पनि तलमाथीको भेदभाव छ ।
मानिस ठूलो जातले हुदैन भनेर लक्ष्मी प्रसाद देवकोटा असल ज्ञान दिएकै हुन । यस्तो भए ता पनि आज पनि जातको भेदभाव कायमै छ ।
कम्युनिस्ट तथा काँग्रेसले पनि जातभातको बखेडाबाट उम्कन चाहान्छन् । सैदान्तिक रूपमा उनीहरू मानिसको जात हुदैन सवै एक हो । स्त्री र पुरूष दुई शारिरीक भिन्नता नै मुख्य कुरा हो ।
मानिस मानिसमा समानता छ त्यसैले नै मानिसले मानिसलाई मानिस हो भनेर चिन्दछ । त्यस्तै असमानताहरू पनि छन् । असमानताले नै एक मानिसलाई अर्को मानिससँग फरक तुल्याएको छ । एकले अर्कोलाई चिनजान गर्न सक्दछ । यदि यो असमानता नभइदिएको भए के हुन्थ्यो होला एकछिन कल्पना गरौ त । तपाई जस्तै मान्छे सवै भईदिएको भए कसरी पहिचान हुन्छ ।
एउटै जात बिशेषमा पनि भूभाग अनुसार भाषाको भिन्नता पाइन्छ । तराईका मानिसहरू पूर्व मेचिदेखि पश्चिम महाकालीसम्मको भेषभूषालाई हेर्ने हो भने लगभग एककिसिमको छ । भोजपुर भक्तपुर काठमाण्डौ पाल्पा प्यूठानका नेवारहरू जात एउटै भए पनि उनीहरूले भाषा पनि एउटै भएता पनि भिन्नता पाइन्छ । यस्तै हरेक मानव समुदायको भाषामा केहि न केहि भिन्नता रहेकै छ ।
यसकारण बन्न लागेको गणतन्त्र नेपालको सम्बिधानमा सङ्घियताको सम्रचना भाषा वा भूभागलाई मूख्य आधार बनाएर वा भनौ जातियताको आधार गर्नु हुदैन । सवै जातजाति भाषाभाषी भूभागको साझा फूलवारीको रूपमा यसको चित्तबुझ्दो बिभाजन होस । यो बिभाजनले देशको आर्थिक बिकास निर्माण गरोस । आपसी एकता अझ बलियो बनाओस । सांस्कृतिक रूपमा पनि देश अझ धनि होस । देशको प्रशासनिक राजनीतिक बिकास निर्माणका कामको लागि देशलाई ससाना इकाइमा बिभाजन गर्नैपर्छ ।
रविवार, 14 फ़रवरी 2010
ए निगेटिभ र बी पोजेटिभ भनेको के होला ?
प्रेम दिवसको सन्दर्भमा
कम्युनिज्मवारेमा केही शब्दार्थ
एउटा कम्युनिस्ट हुँ भन्नेले अर्को कम्युनिस्ट हुँ भन्नेलाई लगाउने गरेका आरोप प्रत्यारोपहरूको शब्द अर्थ परिभाषालाई यँहा उल्लेख गर्न खोजिएको छ ।
संशोधनवाद: आफूलाई शुध्द मार्क्सवादी भन्नेहरूले अन्य कम्युनिस्ट हुँ भन्नेहरूलाई संशोधनवादी भन्ने गर्दछन् । उनीहरूका अनुसार संशोधनवाद भनेको मार्क्सवादको मार्क्सवादी सिध्दान्तको तोडमरोड गरि विकृत रूपमा लिनु पूंजिपति सामान्तहरूलाई बचाऊ गर्ने गरि सिध्दान्तलाई सुधार गरि यहि नै मार्क्सवाद हो भनि ब्यख्या गर्नुलाई नै संशोधनवाद भन्ने गर्दछन् । यसलाई सुधारवाद अथवा सुधारवादी पनि भनेको पाइन्छ ।
वामपंथी कम्युनिज्म या दुस्साहसवाद (उग्रवाद): कम्युनिस्टहरूले एकले अर्कोलाई लगाउने गरेको आरोपमा उग्रवाद पनि हो । उग्रवाद अनुसार ब्यक्ति आफ्नो वास्तविक शक्ति भन्दा बढि साहस गर्नु जमिन्दारको जग्गा कब्जा गर्नुपर्दछ धनि गरिवहरूलाई शोषण गरेर नै धनि भएका हुन त्यैसैले उनीहरूले जम्मा गरेको सम्पत्ती कब्जा गर्नुपर्दछ जग्गा जमिन किसानहरूलाई बाँडनु पर्दछ । नेपालको सन्दर्भमा पञ्चायती शासकहरूले हालको एमाले मध्येको एउटा ग्रुपलाई उग्रवादी भनेर कैयौँ युवाहरूलाई हत्या गरेको थियो भने २०५१ साल पछाडि माओवादीलाई काँग्रेस एमालेले उग्रवादीको आरोप लगाईरहेका छन् ।
साम्यवादः मार्क्स एङ्गेल्सका अनुसार साम्यवाद भनेको समाजको त्यो अवस्था हो जँहा मानिसहरू नैतिकवान हुन्छन् । आफ्नो काम आफैले स्वचालित रूपमा आफ्नो कर्तब्य सम्झेर गर्दछन् । कसैले कसैलाई अन्याय अत्यचार गर्दैन् । त्यस्तो अवस्थामा राज्य भन्ने नै हुदैन । सेना, प्रहरी, जेल, बन्दुक, गोली, हतियार आदि आवश्यक पर्दैन । योग्यता अनुसारको काम सवैले गर्दछन काम अनुसारको जीवन जिउनका लागि आवश्यक कुराहरू आपसी समझदारीमा बाँडेर लिनुपर्दछ भन्ने मान्यताका आधारमा साम्यवादको कल्पना गरिएको हो । मार्क्स, एङ्गेल्स, लेनिन, स्टालिन, माओ लगायत विश्वका लगभग सवै देशमा साम्यवादको कल्पनालाई अपनाउन खोजिएको थियो छ हुनेछ । तर कल्पनानुसार हुने हो वा होइन यो चाँहि अनिस्चित छ ।
साम्यवादमा नै पुग्ने ईच्छाका साथ विश्वका कम्युनिस्टहरूले मार्क्सवादमा नँया नँया कुराहरू जोडदै गएकाछन् । नेपालमा पनि कसैले बहुदलिय जनवाद त कसैले प्रचण्डपथ भनेर जोडेका छन् । जस्ले जे जोडे पनि पुग्ने ठाँउ साम्यवाद नै हो । तर कहिले ? २५० बर्ष भन्दाबढि भयो होला मार्क्सले सिध्दान्त प्रतिपादन गरेको ।
शनिवार, 13 फ़रवरी 2010
परिवर्तन तालिकाः
१ किलोग्राम काठमाण्डौमा =५ पाऊ तराईमा =४ पाऊ । =१ सेर ६ तोला ।
२ १ धार्नी =२ किलो ३९२ ग्राम ।
३ १ पाऊ =१९९ ग्राम ।
४ १ तोला =११.६६३८ ग्राम ।
५ १ किलोमिटर =१०९३ गज १ फूट १० इन्च । १००० मिटर ।
६ १ मिटर =१ गज ० फूट ३.३७ इन्च ।
७ १ इन्च =२.५४ सेन्टिमिटर ।
८ १ गज =९१.४ सेन्टिमिटर ।
९ १ किलोलिटर =१०००लिटर । १० मुरी १९ पाथी ७ माना ३ चौथाई ।
१० १ लिटर =१ माना ३ चौथाई । १००० मिलिलिटर ।
११ १ पाथी =४ लिटर ५४६ मिलिलिटर ।
१२ १ माना =५६८ मिलिलिटर
१३ १ रोपनी =१६ आना ०.०२२५९ हेक्टर ।
१४ १ आना =३४२.२५ वर्गफूट ।
१५ १ हेक्टर =१९ रोपनी २ आना २.६५ दाम । १.४७ विघा ।
१६ १ विघा =०.६८०२७ हेक्टर । २० कठ्ठा ।
१७ १ एकड =७.९५ रोपनी ।
१८ १ कठ्ठा =२० धुर ।
१९ १ माइल =१.६१ किलोमिटर ।
२० १ क्यूफिट =६.२३ पाथी
२१ १ ब्यारेल =१४२ लिटर ।
२२ १ ग्यालेन =४.५४३५९ लिटर ।
कति नाप बराबर कति जग्गा
१ दाम =२१.३९ (वर्गफूट) ४.६२*४.६२ (फूट) ।
२ ४ दाम =८५.५६ (वर्गफूट) १ (पैसा) ९.२५*९.२५ (फूट)।
३ ४ पैसा =३४२.२५ (वर्गफूट) १ (आना) १८.५*१८.५ (फूट)।
४ १६ आना =५४७६ (वर्गफूट) १ (रोपनी) ७४*७४ (फूट)।
५ १।४ धुर =४५.५६२५ (वर्गफूट) ६.७५*६.७५ (फूट)।
६ १ धुर =१८२.२५ (वर्गफूट) १३.५*१३.५ (फूट)।
७ २० धुर =३६४५ (वर्गफूट), १ (कठ्ठा) ५४*६७.५ (फूट)।
८ २० कठ्ठा =७२९०० (वर्गफूट), १ (विघा) २७०*२७० (फूट) ८१*८१ (मीटर) ।
९ १ हेक्टर =११११०९.९९ (वर्गफूट) । १.५२ (विघा) १००*१०० (मीटर) । २.०३ (रोपनी) । ३३३.३३*३३३.३३ (फूट) ।
रविवार, 7 फ़रवरी 2010
स्पेसटाइमका अध्यक्ष जमिम शाहको गोली प्रहारबाट मृत्यू
आक्रमणको केही क्षणमा नै गीली लागेका जमिम शाहलाई शिक्षण अस्पताल पुर्याईएको थियो। उपचारको क्रममा उनको मृत्यू भएको छ। चालक मथुरामान मालाकारको उपचार भईरहेको छ।
उक्त घट्नामा आक्रमणकारीहरुले मा्टरसाईकलको प्रयोग गरेको जानकारी प्रापत भएको छ।
शुक्रवार, 5 फ़रवरी 2010
नँया नेपाल
कम्युनिस्ट र काँग्रेसहरूले 'नँया नेपाल' भन्न थालेको धेरै नै भयो । 'नँया नेपाल' बनाउने भनेर सयौ कार्यकर्ताहरूलाई भ्रम बाडेका थिए । आज उनीहरू सत्तामा पुगिसकेका छन् । सत्ताको स्वाद चाख्न थालेको पनि कैयौ बर्ष भई सकेको छ । हामीले देखेको 'नँया नेपाल' के हो त ?
केहि नेताहरूको नामसँग स्तम्भको नाम राखिएको छ, जस्तै: वीपी कोईराला, पुष्पलाल, गणेशमान, मनमोहन आदि । यिनैका नामबाट सडकहरूको नामाकरण गरिएको छ । पार्कहरूको नाम पनि गरिएको छ । पहिले राजाहरूको नामबाट यस्ता नामहरू राखिएको थियो भने अहिले यिनै नेताहरूका नामबाट बदलिएको छ । कँहि 'गणतान्त्रिक चोक' त 'गणतान्त्रिक हल' । साना ठाँउहरू पनि छोडिएको छैन भेटाएसम्म ।
'नँया नेपालमा' नँया कुरा के देखियो त ?
घुस, चाकडी, चाप्लुसी, बेईमानी, कसैलाई काखा त कसैलाई पाखा यी सब पुरानै बानी ब्यहोराहरू हुन । फरक के मा छ त ? पहिलेकाले यिनीहरू लगायत सोझा नेपालीलाई पाखा लगाउथे भने यिनले यिनको सम्पर्कमा नआउने एकदमै सोझा, निमुखा, गरिव नेपालीलाई पाखा लगाएका छन । जनताबाट उठाएको कर र बिदेशी कँहा गएर भिख मागेर ल्याएको रकम यिनले आफ्ना आसेपासेहरूलाई बाँडेर, आफ्ना कार्यकर्ता भनाउदाहरूलाई पोसेर सिध्याएका छन् । के यहि हो 'नँया नेपाल'
जनताको आँखामा छारो हाल्न यिनिहरू कोहि भन्दा कम छैनन् । पञ्चायतीले, काँग्रेस र कम्युनिस्टहरूले निकै धेरै आश्वासनहरू बाडेका थिए अहिले 'आश्वासन' को ठाँउ 'प्रतिबध्दता' ले लिएको छ । के फरक छ 'आश्वासन' र 'प्रतिबध्दता' मा उस्तै होइन र ?
रविवार, 31 जनवरी 2010
प्रजातन्त्र दिवस मान्ने रे !
पञ्चायती पाराबाट नै प्रजातन्त्र दिवस मान्दै आएका नेपालका कम्युनिस्टहरू फेरि पनि प्रजातन्त्र मान्ने भन्दै छन् । जनताको लागि यो पर जा तन्त्र सावित भैसकेको छ ।
२००७ सालमा राणाहरू माथि बिजय प्राप्त गरेपछि मान्दै आएको यो दिवस मान्न थालेको पनि ६१ बर्ष भयो । जनतालाई सास्ती बाहेक यसले केहि पनि दिन सकेको छैन । हरेक पटक जनतालाई छलकपट गरि नँया नँया नाम दिएर शहिदको संख्या बढाउने काम बाहेक नेपालका काँग्रेस र कम्युनिस्टहरूले के नै गर्दछन होला ।
जनतालाई फेरि यो दिवस मनाउने भनेर रे!
प्रजातन्त्र
आज २०६६.११.०७ का दिन हो । आज कै दिनमा राजा त्रिभुवन भारतबाट नेपाल आएका थिए । यसै दिनलाई त्यसै दिनदेखि नेपालमा प्रजातन्त्र आएको भन्दै मान्दै आएका छन् ।
शनिवार, 30 जनवरी 2010
गायत्री मन्त्र
ॐ भूर्भुवः स्वः । तत्सवितुर्वरेण्यं, भर्गो देवस्य धीमहि, धियो यो नः प्रचोदयात् ।
अर्थ
जाग्रत, स्वप्न, सुषुप्ति तीनै अवस्थामा साक्षी स्वरुप भै रक्षा गर्ने, पृथिवीमा अग्नि स्वरुपले रहने, आकाशमा वायु स्वरुपले रहने, र्स्वर्गमा सूर्य स्वरुपले रहने, (हे परमेश्वर !), समस्त विश्वमा चेतन स्वरुपले रही सत्कार्यमा प्रेरणा दिने, अनन्त कोटि ब्रह्माण्ड रचना गरेर अनन्त लीला गर्ने (हजुरको), सबैले वरण (स्वीकार) नगरी नहुने, जन्म र मरणको बीज भुटेर मुक्ति दिने, त्यो ज्योति स्वरुपको, ध्यान गरिरहन सकौं, (सधैं सम्झना गरिरहन सकौं )
जुन हजुरले,
हामी सबैको,
चित्तका वृत्तिहरुलाई,
असल कर्ममा लागिरहने प्रेरणा दिनुहोस् ।
आज माघ १६ गते ‘शहिद दिवस’
पञ्चायतीले जस्तै माघ १० देखि १६ सम्मको दिनहरूलाई शहिदको सम्मझना गरेर या भनौ काठमाण्डौमा भएका शुक्रराज शास्त्री धर्मभक्त माथेमा दसरथचन्द्र गंगालाल श्रेष्ठको सालिकहरूमा माला लगाएर मानेको स्वाङ्ग अहिलेकाहरूले पनि गरिरहेका छन् । शहिदको नाममा अरवौ नोक्सान भई सकेको छ । न त शहिदहरूको उचित सम्मान नै भएको छ । नत देशको उन्नती नै भएको छ । जो जान्छ उहि कमाउ खाऊ को सुत्रमा बाधिन्छ । पहिले पहिले कम्युनिस्टहरू भन्ने गर्दथे जुन जोगी आए पनि कानै चिरेको भनेर । आज उनीहरूलाई हामी नेपालीले भन्न परेको छ जुन जोगी आए नि कानै चिरेको भनेर ।
आज शहिदहरूको सम्मानमा यीनै शब्दहरूको साथ सम्झना गर्न चहान्छु।
शुक्रवार, 15 जनवरी 2010
कम्युनिस्टको बारेमा कस्ले के भने ? सन्दर्भ २०४८को आमचुनाव ।
गुरुवार, 14 जनवरी 2010
आज माघी पर्व ।
२०६६ साल माघ १ गते माघी पर्वको उपलक्ष्यमा सम्पूर्ण थारू समुदायमा सुःख शान्ति तथा सम्बृध्दीको हार्दिक शुभकामना ।
बुधवार, 6 जनवरी 2010
बोक्सी आरोप
घरमा सुतिरहेको बेला बोक्सी भन्दै राति १२ बजे छोराले एक्कासी कुटपिट गरेको धर्मदेवीले बताइन । बोक्सीको आरोपमा पहिले पहिले पनि हेला र दुव्र्यवहार गथ्र्यो यस पटक त हातपात नै गर्यो । शरिरका निल डाम र चोट देखाउदै धर्मदेवी भनिन । राति मलाई छल्न आउने बोक्सी तै होस भन्दै छाति र पेटमा मुक्क र लात्तिले हिर्काएको उनले बताइन ।
कुटपिटले बेहोस बनेकी धर्मदेवीलाई कृष्णप्रसादले घरको चोटाबाट खसाल्ने प्रयास समेत गरेका थिए । ुबार्दलीबाट खसाल्न लागेका थिए तर छिमेकीहरुले रोके छिमेकी गोकर्ण सापकोटाले बताए । सुरक्षाको लागि सो रात धर्मदेवीलाई छिमेकीको घरमा लुकाएर राख्नु परेको समेत सापकोटाले बताए ।
बोक्सी आरोपमा आमालाई कुटपिट र दुव्र्यवहार गरेको भन्दै आक्रोसित बनेका गाउँका केहीले कृष्णप्रसादलाई पनि हातपात गरेका थिए । सम्झाउन गएकालाई उल्टै गाली गलौज गर्न थालेपछि छिमेकी मध्ये केहीले कृष्णप्रसादलाई कुटपिट गरेका हुन । बोक्सी आरोपमा कृष्णप्रसादले आमालाई चार महिनादेखि दुव्र्यवहार गर्दै आएको बताइएको छ । ज्वरो आयो भने पनि बोक्सी मन्त्र लगाएर विरामी पारेको भन्दै आमालाई नै गाली गर्छ । सापकोटाले भने ।
दुई छोराकी आमा धर्मदेवी श्रीमानको मृत्यु भएपछि दुई बर्षअघिदेखि कान्छा छोरा कुष्णप्रसादसंग बस्दै आएकी छिन । अर्का छोरा शिवप्रसाद रोजगारीको क्रममा काठमाण्डौमा बस्दै आएका छन ।
सोमवार, 4 जनवरी 2010
शहिदको सपनाहरूः
नेताहरूले देशको लागि मर्ने मानिस शहिद हुन्छ भनेर भनेको धेरै नै भयो । शहिदको सपना साकार पार्छौ भन्न थालेको पनि धेरै नै भयो तर न शहिदको सपना नै साकार भयो न देशको उन्नती नै भयो भयो के भने नेताहरूको सपना साकार भयो । उनीहरूका छोराछोरी बिदेशमा पढने भए । गरिबीबाट माथि उठे । धनि भए ।